Indicu pro is disterrados, Referendum 20-21 de cabudanni

Talana comente totu is biddas de Sardigna e de Ogiastra tenet unos cantos disterrados isparghinados in totue. Lompende su referendum populare cunfirmativu de su 20 e 21 de cabudanni tocat a pensare is maneras pro permìtere a totus de votare; custos deretos sunt difèndidos dae sa Costitutzione italiana e dae is leges 459/01 e dae sa lege 3 onniasantu 2017, n. 165.

Sighende custas indicatziones cada comunu in fatu detzidit is protzeduras particulares suas pro permìtere sa pràtica de custu deretu fundamentale.

Talana, in su documentu chi agatas inoghe bortadu, permitit de imbiare rechesta pro esertzitare su votu tràmite posta.

Sa rechesta podet èssere imbiada via posta, via fax, via posta eletrònica fintzas non PEC a is indiritzos indicados a suta o puru podet èssere cunsinnada a manu peri dae àtera pessone de s’interessadu/a.

Posta ordinària: Ufìtziu Eletorale – Comunu de Talana P.tza Santa Marta 08040
Posta eletrònica ordinària (PEO): anagrafe@comune.talana.og.it
Posta eletrònica tzertificada (PEC): protocollo@pec.comune.talana.og.it

S’iscadèntzia pro s’intrega de su documentu est de manera improrogàbile intro de su 19 de austu 2020, sa de trintaduas dies in antis de sa votatzione.
In prus de s’avisu agatas a fundu de s’artìculu peri su mòdulu pro imbiare dimanda.


Artìculos creados 214

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu