Inditos contra su Covid.19 in is sitos archeològicos de Biddamanna, Tortolì e Irbono

In ocasione de sa de XII editziones de su NURARCHEOFESTIVAL, Viaggio in Sardegna,  is sitos archeològiocos gestidos dae is pitzocos de ArcheOgliastra (Scerì. S’Arcu de is Forros, S’Ortali de su Monti), ant pedidu a s’isportellu de sa limba sarda de tradùere in sardu is inditos contra s’ispàinu de su Covid-19.

Dae custa chida, cuncas, is bisitadores chi ant a bisitare is parcos archeològicos de Irbono, Biddamanna e Tortolì ant a agatare is cartellos pro abrandare s’ispainamentu de sa pesta de su Coronavirus, non solu in italianu e in inglesu, ma peri in limba sarda. Difatis, segundu is disponimentos guvernativos noos, ogna logu pùblicu depet pònnere a vista is règulas e is normas de sighire contra su Covid-19: si tratat de prescritziones e avertèntzias chi totus depent pompiare a totu dovere. Is pitzocos de ArcheOgliastra ant pensadu de ddas iscrìere in tres limbas: sardu, italianu e inglesu.

A bisu nostru est una belle initziativa chi diat dèpere èssere sighida peri dae is àteros, pro ite est una manera de donare valore a sa limba e a sa cultura nostra, non in modu astratu, ma in modu cuncretu e positivu. Aici totus.

Custu su programma de su Nurarcheofestival https://www.facebook.com/nurarcheofestival/

Artìculos creados 90

Lascia un commento

Il tuo indirizzo email non sarà pubblicato. I campi obbligatori sono contrassegnati *

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu