Su comunu de Orthullè in su giassu istitutzionale suo at publicadu un’avisu cun su documentu de relazione de fine mandadu de s’Amministratzione.
Sa giunta eleta in su 2015 e ghiada dae su Sìndigu Ennio Arba cumprit cincu annos e sighit sa prassi istitutzionale publichende sa relata.
Custu tipu de relatzione si pùblicat in provìntzias e comunos cunforma a s’artìculu 4 de su decretu legislativu 6 cabudanni 2011, n. 149, chi narat: “Mecanismos de santziones e de prèmios relativos a regiones, provìntzias e comunos, cunforma a is artìculos 2,178, e 26 de sa lege 5 maju 2009, n. 42” pro descrìere is fainas normativas e amministrativas printzipales realizadas durante su mandadu, cun riferimentu particulare a:
- Sistema e èsitos in is controllos internos;
- Annotos eventuales de sa Corte de is contos;
- Atziones pro su respetu de is saldos de finàntzia pùblica programmados e istadu de su caminu de cunvergèntzia cara a is netzessidades istandard;
- Situatzione finantziària e patrimoniale, fintzas evidentziende is dificultades cumproadas in sa gestione de is entes compidados dae su comunu o dae sa provìntzia cunforma a is nùmeros 1 e 2 de su comma primu de s’artìculu 2359 de su còdighe tzivile, e indichende atziones fatas pro ddis pònnere remèdiu;
- Atziones pro cuntènnere s’ispesa e istadu de su caminu de cunvergèntzia a is netzessidades istandard, acostagiadu dae indicadores cuantitativos e calitativos relativos a is output de is servìtzios donados, fintzas impreende comente a paràmetru de riferimentu realidades rapresentativas de s’oferta de prestatziones cun su mègius raportu calidade – costos;
- Cuantificatzione de s’indepidamentu provintziale o comunale.
