Non solu arena, denuntziadu pro un’istalatite in valìgia

A dolu mannu custa borta est tocadu a Baunei puru. Nde leghimus e intendimus cada die, in tempos de istade, novas de furones de arena in ispiàgia, còciula in marina e de totu su chi est possìbile a si betare a valìgia.

una costa de istalatites in sa gruta de sa figu

Ma su chi est acontèssidu sa chida colada in Baunei paret èssere de is peus casos de fura dae is plàias sardas, peri si pretzisamente plàia non fiat.

Sa gruta de sa figu est famada pro èssere istada s’ùrtimu cuadòrgiu de su boe marinu, chi finas a is annos ’70 de su noighentos s’agataiat fatu sa costa de Baunei, e pro is salas suas mannas, is gallerias e, pròpiu, pro istalatites e istalagmites, chi lompent finas a èssere colunnas intro custa catedrale naturale.

S’11 de custu mese in aeroportu de Elmas unu turista est istadu firmadu, percuisidu e denuntziadu dae sa Polaria; teniat in sa valìgia sua prus de unu chilu de arena leada dae sa costa ogiastrina e finas un’istalatite de 57 cm truncada e betada a sa tasca in sa gruta de sa figu. A ampuddas prenas de arena imbarcadas comente souvenir semus finas acostumados a nde intèndere ma un’istalatite gasi manna e pretziosa est unu dannu mannu chi forsis nos diat a dèpere fàghere pensare si una simple denùntzia est sufitziente pro deterrente pro custos machiores.

Dae s’idea malàida de si nde dèpere leare fatu unu bucone de su logu acanta s’est biagiadu pro dimostrare balentia o non s’ischit bene ite.

Foto de presentada dae La nuova Sardegna

Foto a subra dae su instagram de La grotta del Fico


Bìsita grottadelfico.it pro informatziones e prenotatziones; a suta un’antitzipatzione virtuale

Artìculos creados 222

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu