Comunicadu de imprenta ARST

S’ARST, cun unu comunicadu de imprenta difùndidu a totu is comunos de sa Sardigna , informat is impitadores, in piessignu is istudiantes chi si iscòstiant cun is automezos de su trasportu pùblicu pro lòmpere a is iscolas, chi pro more de sa situatzione sanitària crìtica, su nùmeru de is postos at a èssere limitadu.

Si pedit collaboratzione màssima, peri a is istitutos iscolàsticos, in piessignu cun is comunicatzione de is oràrios de intrada e bessida de iscola, pro more de programmare is lìnias e minimare su tempus de isetu in is firmadas.

Pro s’ora su nùmeru de is biàgios e is oràrios de is servìtziu sunt aguales a s’annu coladu. Pro is istudiantes chi faghent oràriu reduidu is primas dies de iscola, bessende a mesudie o mesudie e mesu, si comùnicat chi is automesos non ant a èssere sufitzientes, duncas tocat a isetare is cursas de is 13:30, 14:00 e 14:30.

S’ARST pedit agiudu e collaboratzione a totu is amministratzione comunales e a totu is fortzas pùblicas, pro prevènnere cumportamentos malos.

https://egov7.halleysardegna.com/lotzorai/po/mostra_news.php?id=784&area=H

Artìculos creados 160

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu