Baunei, ordinàntzia sindacale n°17



A pustis de is chèscias de is residentes e non solu, s’Amministratzione de Baunei at detzìdidu de limitare sa velotzidade de is veturas in Santa Maria Navarresa. In particulare in sa betada de viale Pedras, artèria de importu pro sa bidda, su Comunu at a installare dossos de gomma pro disviare is automobilistas impressidos dae su de cùrrere. Ddu istabilt s’ordinantzia n° 17 de su Sìndigu chi agatas inoghe a suta e chi podimus resùmere gasi:

Is provedimentos istabilidos sunt:

a) S’istitutzione de su lìmite de velotzidade de 30 K/h in su Viale Pedras;

b) Sa installatzione de dossos artifitziales in gomma pro rallentare sa velotzidade de is autoveìculos in trànsitu in custos caminos de sa fratzione de S. Maria Navarresa: Viale Pedras acanta de is istrìscias pedonales a curtzu de is tzìvicos n.3 ( c/o Frutora e Birdura) e 4 (c/o Edìcola).

S’installatzione de custos dossos artifitziales est subordinada a sa installatzione preventiva de sa signalètica de preavisu prescrita.

postitzione de is dossos 1 e 2
positzione de su dosso 3

Artìculos creados 222

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu