Iscussertu idrogeològicu, finantziadas 8 òperas pro 12 milliones de èuros.

Sa firma de su protocollu acanta s’Assessoradu a is Traballos Pùblicos a pustis de sa cunferèntzia de is servìtzios: ant partetzipadu sa Diretzione Generale de is Traballos Pùblicos, is rapresentantes de sa Protetzione Tzivile, de s’autoridade de su Batzinu Idrogràficu de sa Sardigna e , in vìdeo-cunferèntzia , su Ministeru de s’Ambiente.

Sa Regione finantziat 8 òperas chi serbint a apasigare s’iscussertu idrogeològicu: is comunos interessados ant a pòdere inghitzare sa gara de apaltu pùblica intro sa fine de s’annu.

Pro sa provìntzia ogiastrina, 4 sunt is Comunos benefitziàrios de finantziamentu: Lotzorai pro is òperas de salvaguàrdia de su batzinu de su riu Pramaera pro 3.596.465€, Irbono e Tortolì pro traballos in tzentru abitadu, su primu pro 1.220.000€, su segundu pro 530.000€, Baunei pro acontzu de su riu Surruele in Santa Maria Navarresa pro 500.000 €.

“Sa Sardigna est una terra esposta meda a is arriscos ambientales chi lompent dae eventos atmosfèricos malos , chi podent cajonare disacatos a pesones o cosas — acrarit s’assessore a is traballos pùblicos Roberto Frongia, pro custu motivu amus afortiadu is isfortzos. Custas resursas istantziadas sunt una testimònia de importu mannu de s’atividade chi sa Regione faghet pro tutelare su territòriu.”

Artìculos creados 160

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu