Bonus gas, lughe e abba

Su bonus sotziale est cumpostu dae is bonos abba, lughe e gas e previdet un’iscontu in is bulletas de is impitos rispetivos. Custos tres bonos, dae su 1° ghennàrgiu 2021, ant a èssere erogados in manera automàtica. No at a èssere netzessàriu a fàghere dimanda o pedire su rinnovu.

Chie ddu podet otènnere?

  • famìlias cun ISEE non superiore a 8.265 èuros
  • famìlias numerosas (cun prus de 3 fìgios a càrrigu) cun ISEE non superiore a 20.000 èuros
  • titulares de Rèditu de Tzitadinàntzia (Rdc) o Pensione de tzitadinàntzia (Pdc)

Comente si verìficat si su bonus siat istadu cuntzèdidu e siat isbursadu?

Si su bonus est cuntzèdidu su tzitadinu at a agatare un’apòsita tzita in bulleta. Si su bonus est in cursu de erogatzione sunt evidentziados in bulleta, in sa setzione ‘totale servìtzios de retze – cuota fissa’, siat si b’est ammissione a sa cumpensatzione, siat s’importu relativu a s’aplicatzione de su bonus a sa minuda.

Su bonus ìdricu est un’iscontu calculadu in sa pròpia tarifa de s’abba e est pro unu fabisòngiu de 50 litros de abba a sa die.

Su bonus lughe est un’iscontu in s’importu de sa bulleta de sa lughe e vàriat segundu sa cumpositzione de su nùcleu familiare.

Su bonus gas abbàsciat s’importu de pagare in sa bulleta de su gas e dipendet finas dae su Comunu de residèntzia, dae su nùmeru de is cumponentes de su nùcleu familiare e dae sa destinatzione de impreu de su gas. Pro usufruire de su bonus gas, est importante a connòschere su còdighe PDR chi s’agatat in sa bulleta de su gas.

Importante:

Pro is famìlias numerosas cun ISEE inferiore a 20.000, est possìbile usufruire peri de su Bonus Pc finas a 500 èuros. Is chi tenent deretu, ant a pòdere imbiare sa documentatzione diretamente a s’operadore ìnternet chi at a valutare s’idoneidade de is rechisitos e at a providire a erogare su bonus. B’ant a èssere ofertas ìnternet diferentes dae is operadores chi si sunt registrados a Infratel.

Agiornamentos e aprofundimentos: bonusenergia.anci.it

Custu s’avisu de su Comunu

Artìculos creados 222

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu