Contributos pro s’afitu a is istudiantes universitàrios sardos pro s’annu acadèmicu 2020/2021.

Assignados a is istudiantes sardos chi frecuentant is cursos universitàrios in Sardigna, in sa penìsula o a s’èsteru is contributos pro s’afitu de sa domo pro s’annu acadèmicu 2020/2021.Unu finantziamentu de belle 3.800.000,00 € de partzire tra su Servìtziu de s’Assessoradu a s’Istrutzione Pùblica, e s’ERSU de Casteddu e de Tàtari. S’agiudu màssimu podet èssere de 2500 € a s’annu pro onni istudiante.

Segundu is datos chi pertocant s’andamentu de s’interventu in is ùrtimos duos annos in pessu colados, in Casteddu fiant 719 is istudiantes idòneos pro s’annu 2018/2019 e 362 in Tàtari, mentras pro s’annu 2019/2020 fiant 724 in Casteddu e 391 in Tàtari: sighende custas informatziones sunt istados elaborados is critèrios.

Podent benefitziare de su contributu pro s’afitu de sa domo is istudiantes residentes (dae 5 annos a su mancu) in sa regione sarda, chi istùdiant in is universidades sardas o a foras de s’ìsula, chi siant nàschidos in Sardigna e chi siant iscritos pro s’annu acadèmicu 2020/2021 a cursos de universidades italianas, iscolas o istitutos de su sistema de Arta Formatzione Artìstica e Musicale, iscolas superiores pro Mediadores Linguìsticos, o universidades istrangias chi donant tìtulos bàlidos in totu sa Comunidade Europea.

Àteros rechisidos:

  • istudiantes chi bivent a tesu dae sa sede universitària e tenent duncas bisòngiu de pigare in afitu una domo privada o un’aposentu in un’istrutura residentziale pùblica serente s’universidade pro pòdere sighire is letziones pro 10 meses a su mancu;
  • s’ISEE de sa famìlia de s’istudiante non depet isciadire is 35.000 €;
  • istudiantes iscritos, chi non siant ultres su primu annu de “fuori corso”;
  • istudiantes iscritos a su primu annu chi apant su diploma de s’iscola segundària de segundu gradu cun votatzione prus arta de 70/100;
  • istudiantes iscritos a su primu annu de làurea magistrale, chia apant una votatzione de 90/100 a su mancu in su diploma de làurea triènnale;
  • àere is crèditos formativos rechèdidos;

Su contributu si podet pigare peri chi si partètzipat a àteros programma comunitàrios comente Erasmus o Socrates, pro is meses chi si colant in sa sede de s’universidade.

S’ERSU de Casteddu e de Tàtari depent impreare is contributos cun prioridade a is istudiantes idòneos non benefitziàrios in is graduatòrias de is bursas de istùdiu e is aposentos de allògiu.

Artìculos creados 160

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu