Cumbidu a sa chirca subra su tema de s’autonomia, determinu n° 1049 de sa Regione Sardigna

S’Assessoradu de sa programmatzione at aprovadu su bandu Tender “Invitu a presentare progetos de chirca fundamentale o de base orientada a temas de caràtere ispetzìficos de particulare interessu regionale subra is temàticas sighentes: “Autonomia regionale e Sistema de is Autonomias Locales” e “Realizatzione de unu Gender Equality Plan (GEP), destinadu a Research Performing Organisations (RPOS)”.

Is entes ammìtidos a su cofinantziamentu sunt is universidades e is entes pùblicos de chirca chi tenent sede in sa Regione Autònoma de sa Sardigna.

Podent presentare propostas pro atzèdere a is contributos prevìdidos dae su Bandu: dotzentes o chircadores assùmidos o chircadoras assùmidas a tempus indeterminadu dae is ateneos sardos, istatales o no istatales, personale omòlogu de is Istitutos e Entes pùblicos de chirca vigilados dae su MIUR, totu cun sede in Sardigna.

Su contributu est cuntzèdidu in sa mesura màssima de su 80% de su costu totale de su progetu, finas unu màssimu de €150.000,00 pro is progetos subra su tema “Autonomia Regionale e sistema de is Autonomias Locales” e finas a unu màssimu de €30.000,00 pro su progetu subra su tema “Realizatzione de unu Gender Equality Plan (GEP), destinadu a Research Performing Organisations (RPOs)”.

Sa proposta de progetu at a dèpere èssere imbiada bia PEC a s’indiritzu:  crp@pec.regione.sardegna.it

intro is 12:00 de su 14 nadale 2020.

A suta podes consultare e iscarrigare su determinu, bortadu in sardu, relativu a sa proposta de chirca narada.
Inoghe sa nova dae su giassu e sa Regione.

Artìculos creados 222

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu