Talana e Biddamanna. Dae sa Regione unu finantziamentu pro bonificare ex discàrrigas

Is ex discàrrigas de refudos sòlidos urbanos dismìtidas sunt unuperìgulu mannu pro  s’ambiente. Talana e Biddamanna sunt benefitziàrias de unu finatziamentu regionale pro ddas pòdere bonificare.

«Isex discàrrigas de refudos sòlidos urbanos dismìtidas podent contaminare s’ambiente. Pro custu, tentu contu de is prioridades indicadas in su ‘Pianu regionale is bondìficas de is àreas incuinadas’, aprovadu in su 2019, esameninende is rechertas de is Comunos e is programmas de ispesa realizados finas a oe, amus individuadu is sitos chi ant a èssere finantziados pro sighire sa fase de bonìfica». Dd’at naradu s’assessore regionale de sa Dedesa de s’ambiente, Gianni Lampis, illustrende s’istantziamentu de 1 millione 920 mìgia èuros pro atividades de caraterizatzione, anàlisi de arriscu e interventos de bonìfica e posta in seguridade de is sitos contaminados.

Sunt istadas tzensidas 404 discàrrigas monocomunales, de is cales 59 de arta prioridade e 134 de mèdia prioridade: 15 sitos s’agatant in su territòriu de sa Tzitade metropolitana de Casteddu; 91 in sa provìntzia de Tàtari; 105 in sa provìntzia de su Sud Sardigna; 106 in sa provìntzia de Nùgoro; 87 in sa provìntzia de Aristanis.

In Ogiastra, comente amus naradu, at a èssere finantziada sa bonìfica de is discàrrigas betzas de su Comunu Talana (Costa’e Oddala, Iloé), cun 42.500 èuros , e de su Comunu de Biddamanna Strisàili (Baccu e Stitza, Pilurthoe) 10.000 èuros.

Artìculos creados 90

Lascia un commento

Il tuo indirizzo email non sarà pubblicato. I campi obbligatori sono contrassegnati *

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu