Tziu Antoni Cuccu, editore e poeta sardu

In Sardigna nche tenet un’istòria ispantosa chi forsis pagos connoschent. Est s’istòria de Tziu Antoni Cuccu, un’òmine amoradu de sa Sardigna e de is poesias suas. Tziu Antoni fiat de Santu ‘Idu, biddighedda de su Sàrrabus, in ue est nàschidu in su 1921. Fiat gasi apassionadu de sa limba e de sa poesia sarda chi andaiat fatu de is festas, iscurtaiat is garas de is cantadores, ddas trascriiat in libros piticheddos e ddos publicaiat a ispesas suas e posca ddos bendiat in is pratzas de is biddas acanta andaiat. “Ddu fatzo deo — naraiat — pro ite chi niunu àteru ddu faghet”. Giraiat dae una banda a s’àtera de sa Sardigna cun una Bianchina betza e posca cun unu boto de Panda . Dormiat in màchina, a costadu de una valìgia de cartone prena de libriteddos. Cussa fiat sa domo sua e sa libreria sua biagiante. In ogna festa issu ddoe fiat: isparghiat in terra unu lentzolu biancu e in pitzu ddoe poniat is poesias. Ddas bendiat a baratu e ddoe balangiaiat pagu cosa, ma pro issu sa cosa prus importante fiat a sarbare sa limba sarda!
Totu custu tziu Antoni dd’at semper fatu in mudìmene, finas a sa die de sa morte sua, in su 2003. Oe cussa valìgia totu segasa est divenida unu de is logos de sa memòria prus pretziosos de su pòpulu sardu. S’eredidade de Antoni Cuccu est istada collida dae unu pitzocu immigradu dae su Senegal in Itàlia in is annos 90, Cheick Tidiane Diagne, chi su pròpiu sighit a girare in is festas de sa Sardigna pro bèndere is poesias de is poetas prus famados de s’ìsula nostra, cussas poesias chi tziu Antoni aiat sarbadu dae s’ismentigadòrgiu iscriende·las e publichende·las.
In Sardigna a oe nche tenet duas bibliotecas dedicadas e Tziu Antoni. S’istòria sua est istada contada in su curtzu-metràgiu “La valigia di Tidiane Cuccu” (de Antonio Sanna e Umberto Siotto).

foto de Massimo Locci (La Nuova Sardegna)

Artìculos creados 90

Lascia un commento

Il tuo indirizzo email non sarà pubblicato. I campi obbligatori sono contrassegnati *

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu