Mòdulos pro contributos regionales pro su deretu a s’istùdiu, bonu libros e bursa de istùdiu

Su Comunu de Baunei at donadu publitzidade inoghe de is interventos regionales de sustennu a su deretu a istudiare. Amus bortadu su mòdulu pro fàghere dimanda e s’avisu etotu, chi agatas in suta pro dd’iscarrigare. Custu su resumu de s’avisu de su Comunu de Baunei:

S’informat a sa tzitadinàntzia chi sunt istados ativados custos interventos pro su deretu a s’istùdiu indiritzados a is istudiantes, cun nùcleu familiare chi tèngiat un’indicadore de sa situatzione econòmica ecuivalente (I.S.E.E.) inferiore o uguale a 14.650,00.

1.      BURSA DE ISTÙDIU REGIONALE (a. i. 2019/2020)

Indiritzada a is istudiantes de is iscolas pùblicas primàrias e segundàrias de primu e segundu gradu (esclùdidos benefitziàrios de sa Bursa de istùdiu natzionale 2019/2020).

2.     BONU LIBROS (a. i. 2020/2021)

Indiritzadu a is istudiantes de is iscolas segundàrias de primu e segundu gradu.

MODALIDADE PRESENTADA DIMANDAS

Podent presentare sa dimanda a su Comunu de residèntzia (Ufìtziu: Servìtzios Sotziales e Iscolàsticos) INTRO SU 5 de NADALE 2020: su genitore,  su rapresentante  legale de s’istudiante  o su istudiante etotu si magiorenne, cumpilende s’apòsitu mòdulu e alleghende sa documentatzione sighente:

  1. fotocòpia de s’atestatzione de s’ISEE in cursu de balidesa emìtida cunforma a sa normativa prevìdida dae su DPCM n.159/2013;
  2. fotocòpia de su documentu de reconnoschimentu de su richiedente in cursu de balidesa;
  3. solu pro su Bonu libros: documentatzione chi provet s’ispesa (iscontrinos, retzidas, faturas).
Artìculos creados 222

Artìculos assotziados

Cumintza a iscrìere su foeddu chi boles chircare e incarca inviu. Incarca ESC pro annullare.

Torra in susu